सेभियासँगको २–२ गोलको बराबरीपछि रियल म्याड्रिडले
स्पेनिस ला–लिगाको शीर्ष स्थानमा उक्लने मौका गुमाएको छ । खेल अवधिभर सेभियाले
रियललाई दबाबमा राखेको थियो ।
फर्नान्डोले २२ औं मिनेटमा गोल गर्दै सेभियालाई
पहिलो हाफमा अग्रता दिलाए । दोस्रो हाफमा मार्को एसेन्सियो ६७ औं मिनेटमा रियलबाट
बराबरी गोल फर्काए । तर त्यसको ११ मिनेटपछि इभान राकिटिचले पेनाल्टीमार्फत गोल
गर्दै सेभियालाई फेरि अग्रता दिलाए ।
इन्जुरी समयमा इडेन हाजार्डले गोल गरेपछि खेल २–२ गोलको बराबरीमा
टुंगियो र रियलको उपाधि जित्ने आशा कायम रह्यो ।
सेभियाविरुद्ध जीत हासिल गरेको भए एथलेटिको
म्याड्रिड बराबर अंक जोड्दै हेड टु हेडका आधारमा रियल शीर्ष स्थानमा उक्लने थियो ।
लिगमा अन्तिम ३ खेल बाँकी छँदा शीर्ष स्थानको
एथलेटिकोले ७७ र रियलको ७५ अंक छ । तेस्रो स्थानको बार्सिलोनाको पनि ७५ अंक नै छ
। बार्सा हेड टु हेडका आधारमा रियलभन्दा पछि छ । चौथो स्थानको सेभियाको ७१ अंक
छ ।
Post a Comment