९ वैशाख, काठमाडौं । शनिबारबाट मौसममा सुधार भएसँगै
सगरमाथा आराहण धमाधम भइरहेको छ । पर्यटन विभागबाट खटिएका सम्पर्क अधिकृत
ज्ञानेन्द्र श्रेष्ठका अनुसार शनिबार राति नै चुचुरोतर्फ लागेका थिए । त्यसमध्ये
१५० भन्दा आरोहीले चुचुरो चुमिसकेको खबर आएको उनले अनलाइनखबरलाई जानकारी दिए ।
‘यो पाली ठूलो टोली गएको छ, संख्या यकिन भइसकेको छैन, उनले भने, ‘१५० भन्दा बढीले
चढिसकेका छन्, थप आरोही माथि जाँदैछन् ।’
श्रेष्ठका अनुसार आइतबार सगरमाथाको मौसम राम्रो छ
। सोहीकारण आरोहीलाई सहज समेत भएको छ ।
आरोहण सकिएपछि यो टोली तल झर्नेछ । त्यसपछि पुनः
अर्को टोलीले भने आगामी साता मात्र आरोहणको योजना बनाउने छ । आजपछि अब २८/२९
तारिखमा मात्र मौसम अनुकुल हुने श्रेष्ठले जानकारी दिए ।
ल्होत्सेमा तीन भारतीयसहित ७ आरोहीको सफल आरोहण
ल्होत्से हिमाल (८५१६ मिटर)मा तीन जना भारतीयसहित
७ आरोहीले सफल आरोहण गरेका छन् । सेभेन समिट ट्रेक प्रालिका अनुसार यो टोलीले साढे
६ देखि साढे ९ बजेको बीचमा चुचुरो चुमेको छ ।
Post a Comment