१९ वैशाख, काठमाडौं । पूर्व प्रधानमन्त्री एवम्
नेकपा एमालेका वरिष्ठ नेता माधवकुमार नेपालले पूर्वप्रधानमन्त्री झलनाथ खनालको
उपचारमा यथेष्ट ध्यान दिन सम्बद्ध पक्षसँग आग्रह गरेका छन् ।
खनालको स्वास्थ्य लाभको कामना गर्दै नेता नेपालले
उपचारमा आवश्यक ध्यान दिन आग्रह गरेका हुन् । ‘उहाँको उपचारमा यथेष्ट ध्यान दिन सम्बद्ध
सबैको ध्यानाकर्षण समेत गराउँछु’, नेता नेपालले सामाजिक सञ्जालमा लेखेका छन् ।
कोरोना संक्रमण भएपछि पूर्वप्रधानमन्त्री खनाल नर्भिक
अस्पतालमा उपचाररत छन् । उनको स्वास्थ्य अवस्था सामान्य रहेको पारिवारिक स्रोतले
जनाएको छ ।
पखाला लागेपछि मनमोहन अस्पतालमा भर्ना भएका
खनाललाई कोरोना संक्रमण पुष्टि भएको थियो । त्यसपछि शनिबार साँझ नर्भिक अस्पतालमा
भर्ना गरिएको छ ।
Post a Comment