नेपालगञ्ज, जेठ १४ गते । भेरी अस्पतालका नर्स र चिकित्सकमाथि
आक्रमण गरेको आरोपमा प्रहरीले ३ जनालाई पक्राउ गरेर अनुसन्धान थालेको जनाएको छ ।
जिल्ला प्रहरी
कार्यालय बाँकेका अनुसार घटनामा संलग्न रहेको आरोपमा तुलसीपुर उपमहानगरपालिका वडा
नम्बर ११ उरहरीका मानबहादुर रावत, भरत रावत र लोकराज रावतलाई पक्राउ गरिएको छ ।
बिहीबार राती कोरोना
संक्रमित डिल्ली रावतको उपचारका क्रममा भेरी अस्पतालमा निधन भएपछि उनका आफन्तहरुले
अस्पतालमा तोडफोड गर्नुका साथै नर्स र चिकित्सकमाथि सांघातिक आक्रमण गरेका थिए ।
बाँकेका प्रहरी
प्रमुख एसपी ओम रानाले स्वास्थ्यकर्मीलाई कुटपिट गरेको आरोपमा पक्राउ परेका
मानबहादुर मृतकका भाइ हुन् भने बाँकी दुइ जना मृतकका छोराहरू रहेको बताउनुभयो ।
उहाँले उनिहरुका बारेमा अनुसन्धान भैरहेको बताउनुभयो । यसैविच दोषीहरुलाई कडा
कारवाहीको माग गर्दै भेरी अस्पतालका सम्पुर्ण स्वास्थ्यकर्मीहरु आन्दोलनमा
उत्रिएका छन् ।
उनिहरुले काम छोडेर
अस्पतालको प्रांगणमा भेला भै दोषीलाई कारवाही र आफ्नो सुरक्षाको माग गर्दै नाराबाजी
गरिरहेका छन् । माग पुरा नभएसम्म काममा नफर्किने भेरी अस्पताल स्वास्थ्यकर्मीसंघका
अध्यक्ष होमनाथ सुवेदीले बताउनुभयो ।
छिटो माग पुरा नगरिए
जिल्ला भरिकै स्वास्थ्यकर्मी आन्दोलनमा उत्रिने चेतावनी समेत उहाँले दिनुभयो । अस्पतालको कोभिड
कक्षमा तोडफोड गर्दै मृतकका आफन्तले ज्यान मार्ने शैलीमा आक्रमण गर्न थालेपछि
चिकित्सक तथा नर्ससहित चार जनाले एकतला माथिबाट हामफालेर ज्यान बचाएका थिए ।
सो घट्नाले
स्वास्थ्यकर्मीको मनोबल घटाएको जनाउँदै देशभरिनै कडा निन्दा र भत्र्सना भैरहेको छ
।
Post a Comment