काठमाडौं । काठमाडौं उपत्यकाका तीन जिल्लामा
भोलिदेखि निषेधाज्ञा कडा बनाउँदा नागरिकले खानै नपाउने अवस्था नआउने काठमाडौंका
प्रमुख जिल्ला अधिकारी कालीप्रसाद पराजुलीले बताउनुभयो । निषेधाज्ञा कडा बनाउँदा
नागरिकले खानै नपाउने अवस्था आउँछ कि भनेर आत्तिनु नपर्ने उहाँको भनाई छ ।
काठमाडौंको नागढुंगा नाका अनुगमन गर्ने क्रममा
सञ्चारकर्मीसँगको कुरा गर्दै उहाँले जेठ भोलि देखि २० गतेसम्म निषेधाज्ञा कडा
गरेपनि नागरिकलाई समस्या पर्न नदिने दाबी गर्नुभएको हो ।
खानेकुरा सकिए वडा कार्यालयले राहत वितरण गर्ने
प्रमुख जिल्ला अधिकारी पराजुलीले बताउनुभयो । उहाँले आपत् विपत परे काठमाडौं
महानगरपालिकासँग समन्वय गरेर वडा कार्यालयमार्फत् त्यस्तो व्यक्तिहरुलाई राहत
उपलब्ध गराउने प्रवन्ध पनि मिलाएको जानकारी दिनुभयो ।
समस्यामा पर्नेले सम्बन्धित वडा तथा नगरपालिकामा
अथवा नेपाल प्रहरीको १०३ नम्बरमा फोन गरेर समस्या राखे समाधान गरिने छ ।
काठमाडौं, भक्तपुर र ललितपुर
जिल्लामा जेठ १४ देखि २० गतेसम्मको निषेधाज्ञामा किराना पसल पनि बन्द हुनेछन् ।
चामल, दाल किन्ने व्यवस्था
मिलाउने प्रजिअ पराजुलीले बताउनुभयो ।
Post a Comment