नेपाली राष्ट्रिय क्रिकेट टोलीका लेग स्पीनर
सन्दीप लामिछानेले २०२१ को क्यारेबियन प्रिमियर लिग (सीपीएल) टी-२० क्रिकेट नयाँ
क्लबबाट खेल्ने भएका छन् ।
साबिक विजेता ट्रिनवागो नाइट राइडर्सबाट सन्दीपले
नयाँ सिजन खेल्ने भएका हुन् । सीसीएलले मंगलबार सन्दीपले ट्रिनवागोबाट खेल्ने
पुष्टि गरेको हो ।
ट्रिनवागोले गत सिजन उपाधि जितेको टिमका ११
खेलाडीलाई रिटेन गरिसकेको छ । जसमा स्पीनरहरु सुनिल नारिन, अखिल हुसेन र ख्यारी पिएरे पनि छन् ।
सन्दीपको अनुबन्धले ट्रिनवागोको स्पीन आक्रमण झन्
बलियो बनेको छ । काएरन पोलार्डको कप्तानीमा रहेको टोलीमा जिम्बाव्वेका सिकन्दर राजा,
अमेरिकाका अली खान र
न्युजिल्याण्डका बलिन मनरो समेत छन् ।
ट्रिनवागो इन्डियन प्रिमियर लिग फ्रेन्चाइज
कोलकता नाइट राइडर्सको टिम हो । कोलकताकै मालिक बलिउड स्टार शाहरुख खान, जे मेहता र जुही
चावला यसका मालिक हुन् । यस्तै प्रशिक्षकमा ब्रेन्डन म्याकुलम छन् ।
यसअघि तीन फरक टोलीबाट सीपीएल खेलिसकेका
सन्दीपलाई जमैका तल्हवाजले नयाँ सिजनअघि रिलिज गरेको थियो । त्यसअघि उनले सेन्ट
किट्स एण्ड नेभिस र बार्बाडोस ट्रिडेन्ट्सबाट खेलिसकेका छन् ।
सन्दीपले गत सिजन १ खेल खेल्दै १२ विकेट लिएका
थिए । सीपीएलको नवौं संस्करण अगष्ट २८ देखि सेप्टेम्बर १९ सम्म सेन्ट किट्स एण्ड
नेभिसमा हुनेछ ।
सन्दीप इंग्ल्याण्डमा हुने भाइटालिटी टी२०
ब्लास्ट र दी हन्ड्रेडका लागि पनि अनुबन्धित भएका छन् । भाइटालिटी जुन ९ देखि र दी
हन्ड्रेड जुलाई २१ देखि सुरु हुनेछ ।
दुवै प्रतियोगितामा सन्दीप पहिलो पटक अनुबन्धित
भएका हुन् । भाइटालिटी ब्लास्ट जुन ९ देखि सेप्टेम्बर १८ सम्म हुनेछ, जसमा लिग चरणका खेल
जुलाई १८ सम्म हुनेछ ।
यदि सन्दीप आवद्ध टीम क्वाटरफाइनल पुगेमा
सन्दीपले सीपीएलको सुरुवाती खेल गुमाउने सम्भावना छ । भाइटलिटी ब्लास्टको
क्वाटरफाइनल अगष्ट २४ देखि २७ सम्म र सेमिफाइनल फाइनल सेप्टेम्बर १८ मा हुनेछ ।
यस्तै पहिलो पटक हुन लागेको दी हन्ड्रेड जुलाई २१
देखि अगष्ट २१ सम्म हुनेछ ।
Post a Comment