कठमाडौं, वैशाख ३० गते । नेकपा (एमाले) ले यसअघि पार्टीको तर्फबाट
कारवाही गरेका चार नेताको कारवाही फुकुवा गर्ने निर्णय गरेको छ । प्रधानमन्त्रीको
सरकारी निवास बालुवाटारमा आज विहिबार बसेको बैठकले सो फुकुवा गर्ने निर्णय गरेको
हो ।
स्थायी कमिटी सदस्य सुवासचन्द्र नेम्वाङकाअनुसार
यसअघि पार्टी हित विपरित काम र गतिविधि गरेको भन्दै नेता माधवकुमार नेपाल र
भीमबहादुर रावललाई गत चैत १६ गतेको एमाले बैठकले ६ महिनाका लागि पार्टीबाट निलम्बन
गर्ने निर्णय गरेको थियो । लगत्तै चैत १९ गते बसेको अर्को बैठकले नेता सुरेन्द्र
पाण्डे र घनश्याम भुषाललाई ६ महिनाकै लागि नै निलम्बन गरेको थियो ।
निलम्बन गर्नुअघि पार्टीले चारैजना नेतालाई
स्पष्टीकरण सोधेको थियो । स्पष्टीकरण चित्तबुझ्दो नआएपछि पार्टी विधान २०४९ को दफा
४९ ९ख० अनुसार निलम्बन गर्ने निर्णय गरेको थियो । पछिल्लो समय पार्टीको एकता
संकटमा पर्ने देखिएपछि एकतालाई मजबुत गर्न पुनः चार जना नेता माथिको निलम्बन
फूकुवा गर्ने निर्णय भएको नेता नेम्वाङले बताउनुभयो ।
प्रधानमन्त्री केपी शर्मा ओलीले २७ गते
प्रतिनिधिभाबाट विश्वासको मत प्राप्त गर्न नसक्नु भएपछि राष्ट्रपति विद्यादेवी
भण्डारीले आज ३० गते साँझ ९ बजेभित्र दलीय हिसावमा सरकार गठनको आव्हान गर्नुभएको छ
। नयाँ सरकार गठनमा नेता नेपाल पक्षले विपक्षी दललाई सहयोग गर्ने तयारी
गरिरहेकाबेला उहाँहरुमाथिको कारवाही फुकुवा गर्ने निर्णय एमालेले गरेको हो ।
Post a Comment